اهداء للشيخ / جزاء بن شريد بعد عودته من رحلته العلاجيه

[ادارة الملتقى]

[poem=font=",6,,normal,normal" bkcolor="transparent" bkimage="" border="outset,6," type=0 line=0 align=center use=ex num="0,black""]
في عودتك بالي بدت فيه الافراح = وستبشرت بك دار خضراء وهلها
تبشري يادار نور السفر ضاح = بابوجهز بيبان خضراء دخلها
بميرها الي بعد غيبته راح = بالطايره وديار لندن وصلها
سافر برحله مع سماء الجو ملواح = تجري كما قرناس نادر جبلها
في متنها الي للمواجيب نطاح = حلحيل قلاتاً عسيراً حللها
يالله عسا عينك تهناء بلمراح = يابن الرجال الي عريبه اجيلها
من روس حرب الي اليا صاح صياح = بالخيل يوم القوم تذكر افعلها
حماية البيرق لها اسيوف ورماح = فرسان يعرف ذكرها مافشلها
عساك تسلم والمرض عنك ينزاح = نفسك عساء المعبود يبطي بجلها
ينها المرض تبراء شكاويك ترتاح = رباً حيات اعباد خلقه كفلها
يجلا المرض بمره تجلا عنك راح = رافع سمواتً بعرشه حملها
ونساح صدري عندما جيت مرواح = لرض القصيم الي نزلت ابسهلها
من عاصمة لندن توجهت مسراح = ورعاء الخبر مثل الصحافي نقلها
عندي خبر لودونك ابحور الأملاح = موسى شغاميم النشاما سعلها
وخاذ علوم اهل النفاله ولفلاح = وعلوم ياقلبي هل المجد شلها
موجز خبر نشره كما صحف الأصباح = اوبكره اليا قابلت الأعزاز قلها
يامرحبا بك ياولد عقب الأمداح = عد الرعود اوعد ماطر هللها
ترحيب عد النبت من سيل جراح = غيثاً كسا نجد الوسيعه شملها
يابوجهز يامير خضراء بلنصاح = سور البلد قومت بنية افللها
انت الذي لديره خير وصلاح = خدمتك يالمشهور يشكر عملها
يامن حفض سر الحكومه ولاباح = اوحل المشاكل بالمعرفه فصلها
ساس الفخر من شاوره شاف الارباح = لضاع فكر الراس بريا فتلها
جمايلك تكتب على بيض الأصفاح = يامن فعول الطيب دايم فعلها
شيخاً شمخ عزه طلع والسعد لاح = زحزيح ثم احقوق ربعه عدلها
صاحب وفاء يمناه تفعل بلأصلاح = كم مشكله بالجاه سواء ميلها
فيك الصخا للضيف بالحيل ذباح = شباب ناراً للكرامه شعلها
نار الشجاعه والكرم بنها فاح = سلام يقرن بالتحيه لهلها
تقدير من شاعر نشرها بلوضاح = لمير شيمات العرب ماجهلها
ريف القصير اوستر ماهو بفضاح = نفسه مجاذبها الشرف ومخولها
الجار عنده ماشكا ظيم ماصاح = اورجله عن ادروب المعيبه عقلها
[/poem]

الشاعر / موسى بن سرور بن بزاع